Իրանի իշխանությունները հաստատել են`մայրաքաղաքի Էվին բանտից կալանավորներ են փախուստի դիմել՝ շաբաթներ առաջ 12-օրյա պատերազմի ընթացքում Իսրայելի իրականացրած հրթիռային հարձակումից հետո:
Թե քանիսն են ազատության մեջ, հստակ չէ: Դատական համակարգի խոսնակը ճշգրիտ թիվ չի նշել։
Ավելի վաղ հաղորդվել էր, որ Իսրայելի հարվածներից առնվազն 71 մարդ է զոհվել, այդ թվում՝ հինգ բանտարկյալ։
Իսրայելը պնդել էր, թե դա խորհրդանշական հարված է Իրանի կառավարությանը, որը Էվինի բանտում հիմնականում քաղբանտարկյալների ու ռեժիմի ընդդիմախոսներին է պահում։
