Եվրամիությունը Հայաստանին և Ադրբեջանին խրախուսում է հնարավորինս շուտ ստորագրել և վավերացնել խաղաղության համաձայնագիրը: Այս մասին հայտարարել է Եվրամիության արտաքին գործերի և անվտանգության քաղաքականության հարցերով մամուլի խոսնակ Անիտա Հիպերը «Արմենպրես»-ի հարցմանն ի պատասխան։
Ողջունելով Հայաստանի և Ադրբեջանի ղեկավարների միջև երեկ Աբու Դաբիում կայացած հանդիպումը, Եվրամիության պաշտոնյան շեշտել է՝ Բրյուսելը վճռականորեն աջակցում է երկու երկրների միջև հարաբերությունների կարգավորման գործընթացին։
«Մենք խրախուսում ենք երկու կողմերին էլ հնարավորինս շուտ ստորագրել և վավերացնել խաղաղության համաձայնագրի նախագիծը: ԵՄ-ն պատրաստ է տրամադրել լրացուցիչ աջակցություն և փորձագիտական խորհրդատվություն, եթե կողմերը դա խնդրեն», - ընդծել է Անիտա Հիպերը։