Այսօր Բրյուսելում վարչապետ Նիկոլ Փաշինյանի հետ եռակողմ հանդիպման ժամանակ Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լայենը ողջունել են Հայաստանի հավակնոտ բարեփոխումների օրակարգը և իրենց աջակցությունն են հայտնել Հայաստանի ինքնիշխանությանը, տարածքային ամբողջականությանը և ժողովրդավարական բարեփոխումներին, ասված է հանդիպման արդյունքներով ընդունվել է մամուլի համատեղ հաղորդագրությունում:
Եվրամիությունը վերահաստատել է իր ամուր հանձնառությունը՝ աջակցելու Հայաստանի դիմադրողականությանը և երկարաժամկետ զարգացմանը՝ զգալի ֆինանսական և տեխնիկական օգնության միջոցով, նշում է, որ Հայաստանում Եվրամիության ներդրումներն այժմ նախատեսվում է հասցնել 2.5 միլիարդ եվրոյի: Հայաստանի տեղեկատվական էկոհամակարգին աջակցելու համար Եվրամիությունը հայտարարել է անկախ լրատվամիջոցների ամրապնդման համար նախատեսված 1.5 միլիոն եվրոյի նոր փաթեթի մասին:
Եվրամիությունը վերահաստատել է նաև իր աջակցությունը Հայաստանի «Խաղաղության խաչմերուկ» նախաձեռնությանը՝ տարածաշրջանային կապը և հաշտեցումը խթանելու համար։
Կոշտան և ֆոն դեր Լայենը նաև գնահատել են Հայաստանի շարունակական ջանքերը Հարավային Կովկասում կայունությունը խթանելու համար, մասնավորապես՝ Ադրբեջանի հետ խաղաղության բանակցություններում շարունակական ներգրավվածության և Թուրքիայի հետ հարաբերությունների կարգավորմանն ուղղված քայլերի միջոցով, նաև ասված է հաղորդագրությունում, որի տեքստը պաշտոնապես հրապարակել են կողմերը:
Եվրամիությունը բարձր է գնահատում Հարավային Կովկասում կայունության ապահովմանն ուղղված Հայաստանի ջանքերը, մասնավորապես՝ Ադրբեջանի հետ խաղաղության բանակցություններում շարունակական ներգրավվածությունը և Թուրքիայի հետ հարաբերությունների կարգավորմանն ուղղված քայլերը, իր հերթին, հանդիպումից հետո հայտարարել է Եվրոպական խորհրդի նախագահ Անտոնիու Կոշտան։
Եվրամիության ղեկավար պաշտոնյան Х-ում նաև գրել է՝ Եվրոպական դաշինքը վճռականորեն աջակցում է Հայաստանի «հավակնոտ բարեփոխումների» օրակարգին։
Հայաստանի վարչապետն, իր հերթին, Ֆեյսբուքում գրել է. - «Արդյունավետ և ընդլայնված խոսակցություն ունեցանք Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ»: